ខណៈនេះ ! សមត្ថកិច្ចនិងអាជ្ញាធរខណ្ឌ កំពុងនាំយកដីកាកោះទៅបិទនៅភូមិគ្រឹះលោក កឹម សុខា
29-August-2016 | ដោយ មែន កំសត់
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ខណៈនេះសមត្ថកិច្ចនគរបាល សហការជាមួយអាជ្ញាធរខណ្ឌទួលគោក បាននិងកំពុងនាំយកដីកាកោះឲ្យចូលខ្លួន ទៅបិទនៅភូមិគ្រឹះរបស់លោក កឹម សុខា ប្រធានស្តីទីគណបក្សសង្គ្រោះជាតិ ដែលមានអាសយដ្ឋាន លេខ៩២ ផ្លូវលេខ៣១៣ សង្កាត់បឹងកក់២ ខណ្ឌទួលគោក កាលពីវេលាម៉ោង៩ និង៤០នាទីព្រឹក ថ្ងៃទី២៩ ខែសីហា ឆ្នាំ២០១៦ ។
យោងតាមដីកាដែលចេញដោយលោក សៀង សុខ តំណាងអយ្យការអមសាលាដំបូងរាជធានីភ្នំពេញ បានឲ្យដឹងថា ដីកាកោះឲ្យចូលខ្លួននេះ ចោទប្រកាន់លើឈ្មោះ កឹម សុខា ភេទប្រុស អាយុ៦៣ឆ្នាំ ជាតិខ្មែរ ពីបទ បដិសេធក្នុងការចូលខ្លួន ប្រព្រឹត្តនៅរាជធានីភ្នំពេញ កាលពីថ្ងៃទី២៦ ខែឧសភា ឆ្នាំ២០១៦ បទល្មើសដែលមានចែង និងឲ្យផ្តន្ទាទោសតាមមាត្រា ៥៣៨ នៃក្រមព្រហ្មទណ្ឌ នៃព្រះរាជាណាចក្រកម្ពុជា ។
សូមបញ្ជាក់ថា កន្លងមក លោក កឹម សុខា ប្រធានស្តីទីគណបក្សសង្គ្រោះជាតិ ត្រូវបានតុលាការចេញដីកាកោះហៅជាបន្តបន្ទាប់ ជាក់ស្តែងកាលពីថ្ងៃទី២៣ ខែសីហា ឆ្នាំ២០១៦ ចៅច្រមស៊ើបសួរបានជូនដំណឹងម្តងរួចមកហើយថា នឹងបញ្ជូនសំណុំរឿងព្រហ្មទណ្ឌនេះទៅចៅក្រមជំនុំជំរះ ៕
ចំនួនអ្នកទស្សនា
- ថ្ងៃនេះ7251
- ម្សិលមិញ4461
- សប្តាហ៍នេះ11721
- ខែនេះ33601
- ឆ្នាំនេះ33601
- សរុប20476057